Афғонистон Савдо-саноат палатаси вакиллари (ACСП) Хитой билан темир йўл алоқаси уч ой олдин тўхтатилгани ҳақидаги баёнот билан чиқди, деб хабар берди «1news.uz».
Юк алоқаларининг бекор қилиниши ушбу йўналиш хизмат кўрсатувчи Хитойнинг ваколатли компанияси фаолиятини тўхтатилиши билан боғлиқ. «Компания вакилларига мурожаат қилганимизда, транзит ўтиш нуқталари ва инфратузилма етишмовчилиги билан боғлиқ қийинчиликлар асосий тўсиқ бўлаётганини маълум қилишди», — деди ACСП раҳбари Атикулла Нузрат.
Шу билан бирга, Афғонистон Савдо-саноат палатаси Хитой билан савдо алоқаларини Ўзбекистон кўмагида муқобил йўналишлар орқали қайта тиклаш умидида эканлигини билдирди.
Алоқаларининг тўхтаб қолганлигини асосий сабаби — Хитой ҳукуматининг импортни амалга ошириши лозим бўлган компания учун ваъда қилинган субсидияларни тақдим этмаганлиги. ACСП вакили Мусафир Коканди афғон ҳукумати товарлар транзити борасида Ўзбекистон ва Қозоғистон орқали ўтилишига, Афғонистон президенти ёки юқори тоифали афғон мансабдорларидан иборат делегациянинг Ўзбекистонга ташрифи доирасида ҳал қилинишидан умидвор эканлигини билдирди.
«Аfg‘oniston.ru» маълумотларига кўра, юкларни Ўзбекистон ва Қозоғистон ҳамда «Ҳайратон» савдо порти орқали жўнатиш бир-биридан кескин фарқ қилади, биринчи ҳолатда ушбу муддат 2 ойни ташкил этса, иккинчисида 12 кунга тенг. ACСП вакиллари афғон ҳукуматини муаммони ҳал этиш учун тегишли чора-тадбирларни кўришга чақирди.
Изоҳ (0)