Ўзбекистон Президенти Шавкат Мирзиёев ва Қирғизистон президенти Алмазбек Атамбоевнинг учрашувлари расмий делегациялар иштирокида давом эттирилди. Бу ҳақда ЎзА хабар бермоқда.
Ўзбекистон раҳбари Қирғизистон Республикаси президенти ва қирғиз халқини яқинда нишонланган миллий байрам – Мустақиллик куни билан муборакбод этди.
Халқларимиз ўртасида тарихан шаклланган қардошлик ва аҳил қўшничилик муносабатларини юксак қадрлаймиз. Айнан мана шу муносабатлар давлатларимиз ўртасидаги алоқаларнинг мустаҳкам пойдевори бўлиб хизмат қилмоқда.Алмазбек Атамбоев Шавкат Мирзиёевни Қирғизистонга давлат ташрифи билан қутлаб, бу икки давлат ўртасида олий даражадаги мулоқотларнинг мантиқий давоми, томонларни қизиқтирган масалаларни муҳокама этиш учун қулай имконият эканини таъкидлади.Шавкат Мирзиёев, Ўзбекистон Президенти
Музокараларда ўзаро ва кўп томонлама муносабатларга оид долзарб масалалар муҳокама қилинди. Сиёсий, савдо-иқтисодий, сармоявий ва маданий-гуманитар соҳаларда ҳамкорликни янада ривожлантириш хусусида фикр алмашилди.
Изоҳ (0)