2017 йилнинг 5 сентябрь куни Ўзбекистон Республикаси Ташқи ишлар вазирлигида Ўзбекистонга ташриф буюрган БМТ Инсон ҳуқуқлари бўйича Олий комиссари бошқармасининг (ИҲОКБ) Марказий Осиё бўйича минтақавий бўлими бошлиғи Ришард Коменда билан учрашув бўлиб ўтди. Бу ҳақда вазирлик матбуот хизмати хабар берди.
Музокаралар давомида Ўзбекистон билан БМТнинг муҳим бир институтларидан бири ИҲОКБ ўртасидаги муносабатларни ривожлантириш истиқболлари муҳокама қилинди.
Таъкидланганидек, БМТ Инсон ҳуқуқлари бўйича Олий комиссари Зайд Раад ал-Ҳусайннинг май ойидаги Тошкент шаҳрига ташрифи ва келажакдаги ҳамкорлик бўйича эришилган келишувлар, жумладан 2017—2021 йилларда Ўзбекистонни ривожлантиришнинг бешта устувор йўналиши бўйича Ҳаракатлар стратегиясини амалга ошириш доирасидаги икки томонлама ҳамкорликни янги босқичга олиб чиқади.
Учрашув чоғида БМТ Инсон ҳуқуқлари бўйича Кенгаши махсус маърузачиси Ахмед Шаҳиднинг сентябрь ойи охирига белгиланган Ўзбекистонга ташрифининг амалий жиҳатлари ва томонларни қизиқтирган бошқа масалалар кўриб чиқилди.
Изоҳ (0)