Toyota икки ҳафтадан сўнг Франкфуртдаги автосалонда тақдим қилинадиган моделлари ҳақида маълум қилди. Улардан бири келгуси авлод Land Cruiser Prado бўлади, дея хабар беради «Мотор».
Янги Prado ҳақида ҳозирча маълумот кам. Ишлаб чиқарувчига кўра, модель рама конструкциясини сақлаб қолади ва «эгасини исталган жойга олиб боради ва қайтариб келади».
Июнь ойида янги йўлтанламас фотолари тармоқда бўлган ва улардан автомобилнинг ташқи кўриниши унчалик ўзгармагани ҳақида хулоса чиқариш мумкин эди. Жумладан, унда ўзгача ёруғлик техникаси ва бамперлар, радиатор панжараси пайдо бўлади.
Шунингдек, машина адаптив ёруғлик фаралари ва тўқнашувлардан огоҳлантириш тизимлари билан жиҳозланади.
Изоҳ (0)