2017 йил 25 август куни соат 14:23 да Тошкент шаҳар Фавқулодда вазиятлар бошқармаси тезкор навбатчисига Тошкент шаҳар ҳокимлиги Қутқарув хизмати бошқармаси диспетчеридан Мирзо Улуғбек туманидаги «Чимган» чорраҳасида Matiz ҳамда MAN русумли автомашиналари иштирокида йўл-транспорт ҳодисаси содир бўлганлиги ва автоулов ичида бир нафар одам қисилиб қолганлиги тўғрисида хабар келиб тушган. Бу ҳақда ФВВ ўзининг Facebook’даги саҳифасида маълум қилди.
Ушбу хабарни олган заҳоти бошқарма Қутқарув отряди навбатчи смена қутқарувчилари зудлик билан воқеа жойига етиб борди. Воқеа жойида вазият ўрганилганда, ҳақиқатдан ҳам MAN русумли юк автоулови ичида фуқаро Ф.Т. қисилиб қолганлиги аниқланди. Қутқарувчилар зудлик билан махсус асбоб-анжомлар ёрдамида Ф.Т.ни автоулов ичидан чиқариб олишди ва биринчи тиббий ёрдам кўрсатди. Ўз вақтида ёрдам кўрсатилиши натижасида фуқаро Ф.Т.нинг ҳаёти сақлаб қолинди.
Изоҳ (0)