БМТнинг Нью-Йоркдаги бош қароргоҳида Бош Ассамблея 71-сессиясининг расмий ҳужжати сифатида БМТнинг олтита расмий тилида Ўзбекистондаги наркотикка қарши сиёсатнинг асосий йўналишларига ва унинг 2016 йилда амалга оширилишига бағишланган ахборот тарқатилди, деб ёзади UzDaily.
Унда айтилишича, Ўзбекистонда наркотикларнинг ноқонуний айланмасига қарши кураш доирасида, 2016 йилда 6646 та жиноят ҳолатлари аниқланган. Ноқонуний айланмадан 3 тонна 542,4 кг наркотик воситалар, шунингдек, 19 277 та психотроп модда таблеткалари мусодара қилинган.
Ўтган йили Ўзбекистон ҳудудида наркотикларнинг ноқонуний айланмаси билан боғлиқ жиноятларни амалга оширгани учун 110 нафар хориж фуқаролари қўлга олинган.
«Қора кўкнор — 2016» операцияси доирасида 1070 та ноқонуний тарзда таркибида наркотиклар бўлган ўсимликларни ўстириш ҳолатлари аниқланган. Жами 4900 квадрат метрдан зиёд майдондаги экинлар йўқ қилинган.
Изоҳ (0)