Олий Мажлис Қонунчилик палатаси депутати Абдуқодир Тошқулов ЎзЛиДеПнинг Facebook’даги саҳифасида уюштирилган онлайн видеомулоқот давомида Халқаро пресс-клуб ва унинг масъулларини танқид остига олди.
Абдуқодир Тошқулов бу масалада аввал ҳам — ХПК анжуманларининг жонли эфирдаги намойишлари вақтинча тўхтатилгани ҳақидаги хабарлар пайдо бўлганида Facebook орқали фикр билдирган эди.
Жумладан, унинг фикрича, ХПК модераторлари инсонлар мушкулини осон қилиш эмас, балки раҳбарга яхши кўриниш илинжида ишлагани учун «юзтубан бўлди».
«Ҳеч бир мамлакатда журналист мансабдорлар билан беписанд муомала қилиб, буни дунёга кўз-кўз қилмайди... Умуман олганда, бир-икки босар-тусарини билмай қолганларни дея, демократик ислоҳотларга зарар етмайди», — деб ёзганди Абдуқодир Тошқулов.
ЎзЛиДеПнинг Facebook’даги саҳифасида уюштирилган онлайн видеомулоқот давомида депутат Тошқулов унинг бу сўзлари баъзи хорижий сайтлар томонидан нотўғри қилинганини таъкидлаб, аслида нима демоқчи бўлганини тушунтирди.
Яқинда Халқаро пресс-клубнинг фаолиятига баҳо бериб, баъзи халқаро сайтларда бу ҳолга бироз бошқача талқин берилганини кузатдик. Депутат сифатида мана шу масала бўйича муносабат билдирганимиздан хурсанд бўлдим. Лекин талқин нотўғри бўлди. Мен у ерда сўз эркинлигига қарши гапирмаганман.Маълумот учун, Абдуқодир Тошқулов 1976 йил 29 август куни Сурхондарё вилояти Бойсун туманида туғилган. 1998 йили Термиз давлат университетини молия ва кредит мутахассислиги билан тамомлаган, иқтисод фанлари номзоди, доцент.Мен [Халқаро пресс-клуб]га масъул бўлган инсонларнинг ўзини тутиши, яъни бизнинг шарқона менталитетимизга тўғри келмайдиган... Бу, биласизми, ОАВнинг узоқ йиллар турғун ишлашидан кейин қадамларни бироз ўйлаб босиш керак, деган фикрим бор. Бу — мен сўз эркинлигига қаршиман, дегани эмас. Сиз агар депутатлар орасида ҳам, ҳамкасбларим орасида ҳам суриштирсангиз, ўргансангиз, муаммоларни яққол баён қилганим учун баъзида гап ҳам эшитиб қоламан. Доимий шундай бўлган.
Лекин, биласизми, ҳокимни ўрнидан турғазиб, ижросини талаб қилиш, унга муддат белгилаш — бунинг учун юқори раҳбарлар бор. Ҳукумат тизимида вертикал бошқарув бор. Журналист масалани қўйиб, шу муаммони халқнинг номидан етказиб, «Бу албатта ОАВнинг назоратида бўлади», деб қўйишининг ўзи кифоя.
Нима учун мен гапни буёқдан бошладим? «Kun.uz» сайтини мен жуда ҳурмат қиламан. Шу сайт раҳбарлар билан видеомулоқот қилганида ҳам жуда одоб билан, ўзбекона лутф билан мурожаат қилинади. Яъни, раҳбарга... у барибир раҳбар! У элнинг устида турибди. Битта туманнинг ҳокими ҳозир журналистдан ҳам, депутатдан ҳам кўпроқ ишлаяпти
Мана шу нуқтаи назардан ёндашилса, яхши бўлади. Халқнинг манфаатини ҳам жуда маданият билан ҳимоя қилса бўлади. Қўпол сўзларсиз, бақир-чақирларсиз қилса бўлади буни. Бўляпти ҳам. Давлатимиз раҳбари ҳаммамизга халқнинг ичига киришни ўргатдилар. Ҳақиқатан ҳам бу масалада камчиликлар бўлган.
Абдуқодир Тошқулов, Олий Мажлис Қонунчилик палатаси депутати
Ўзбекистон Либерал-демократик партияси (ЎзЛиДеП) аъзоси. 2010 йилдан ҳозирги вақтда Олий Мажлис Қонунчилик палатаси депутати (70-Термиз сайлов округидан сайланган). Қонунчилик палатасининг Қонунчилик ва суд-ҳуқуқ масалалари қўмитаси аъзоси.
Аввалроқ Абдуқодир Тошқулов Тошкент давлат иқтисодиёт университетига кириш имтиҳонларидаги шубҳали «тасодифлар»га муносабат билдириб, университетдаги бу аҳвол аввал ҳам шундай бўлганини таъкидлаган эди.
Изоҳ (0)