Ўзбекистон Мустақиллиги байрами арафасида ва байрам тантаналари кунлари Тошкент шаҳрига кириш чеклови фақат юк ташувчи транспорт воситаларига тааллуқли.
Бу ҳақда 26 август, шанба куни Тошкент шаҳар ИИББ шахсий таркибининг тайёргарлигига бағишланган тадбир доирасида ИИББ бошлиғининг хизмат бўйича ўринбосари Бахтиёр Охунов маълум қилди, дея хабар бермоқда «Газета.uz».
Блокпостларда назорат-ўтказиш пункти тартиби ўрнатилади, ҳар бир юк машинаси текширилади. Баъзи юк машиналарининг шаҳарга кириши вазирлик ва идораларнинг қарорларига мувофиқ чекланади. Йўловчи транспорти, хусусан, автобусларнинг шаҳарга кириши давом этади. Бу транспорт воситалари тўхтатилади, текширилади ва ўтказиб юборилади.Асосий текширув ишлари рақамларни таниш бўйича махсус тизимлари ёрдамида амалга оширилади.Бахтиёр Охунов, Тошкент шаҳар ИИББ бошлиғи ўринбосари
«Бундай тизимлар шаҳарга кириш постларининг барчасига ўрнатилган. Агар машина ўғирланган ёки жаримага тортилган бўлса, биз бу ҳақда база бўйича сигнал оламиз», — деди Бахтиёр Охунов.
Изоҳ (0)