АҚШ эсминеци савдо кемаси билан тўқнашиб кетгач, ўн денгизчи бедарак йўқолди

АҚШ ҳарбий-денгиз кучлари ракета эсминеци John S. McCain Сингапур қирғоқлари яқинида савдо кемаси билан тўқнашиб кетди, натижада ўн нафар денгизчи бедарак йўқолди, деб ёзади «Газета.ru».

«Айни пайтда ўн денгизчи бедарак йўқолган деб ҳисобланилмоқда, беш киши жабрланди», — дейилади еттинчи флот матбуот хизмати хабарида.

Тўқнашув 21 август куни Тошкент вақти билан 02:24 да юз берди, эсминец бу пайтда Сингапур портига қараб кетаётган эди.

Ҳодиса оқибатида кема қуйруғининг чап томонига шикаст етди. Айни пайтда эсминец Сингапур порти томонга ҳаракатланмоқда.