AQSh harbiy-dengiz kuchlari raketa esminetsi John S. McCain Singapur qirg‘oqlari yaqinida savdo kemasi bilan to‘qnashib ketdi, natijada o‘n nafar dengizchi bedarak yo‘qoldi, deb yozadi “Gazeta.ru”.
“Ayni paytda o‘n dengizchi bedarak yo‘qolgan deb hisoblanilmoqda, besh kishi jabrlandi”, — deyiladi yettinchi flot matbuot xizmati xabarida.
To‘qnashuv 21-avgust kuni Toshkent vaqti bilan 02:24 da yuz berdi, esminets bu paytda Singapur portiga qarab ketayotgan edi.
Hodisa oqibatida kema quyrug‘ining chap tomoniga shikast yetdi. Ayni paytda esminets Singapur porti tomonga harakatlanmoqda.
Izoh (0)