Жанубий Корея термасига ЖЧ—1998 да ўйнаган ҳужумчи чақирилди. У ЖЧ—2018 саралашида Ўзбекистонга қарши ўйнаши мумкин
Футбол бўйича Жанубий Корея миллий терма жамоаси ЖЧ—2018 саралашининг Эрон ва Ўзбекистонга қарши сўнгги икки ўйини учун таркибни эълон қилди. Ўзбекистон Футбол Федерацияси ахборотига кўра, таркибдан 26 нафар футболчи ўрин олган.
Жанубий Корея миллий терма жамоасининг янги бош мураббийи Шин Те Ёнг «Тоттенҳэм» аъзоси Сон Хён Мин ва «Суонси» ярим ҳимоячиси Ки Сон Ённи ҳам таркибга жалб қилган. Уларнинг иккиси яқиндагина жароҳатидан қайта тикланган эди.
Бош мураббий Шин Те Ёнг саралашнинг сўнгги икки ўйини учун учта ҳужумчини терма жамоага чақирган бўлиб, улар орасида 38 ёшли Ли Донг Гук ҳам бор. У 1998 йили Францияда бўлиб ўтган жаҳон чемпионати учрашувларида майдонга тушган, ЖЧ—2006 ва ЖЧ—2014 саралашлари доирасидаги Ўзбекистонга қарши ўйинларда гол урган.
Термага чақирилган 26 футболчининг барчаси саралаш якунига қадар бир бутун бўлади. Жанубий Корея термасининг тақдири шу икки ўйинга боғлиқ. Ғалаба қозониш учун бор кучимизни ишга соламиз.Қайд этиш жоиз, Ўзбекистон ва Жанубий Корея миллий терма жамоалари ўртасидаги учрашув 5-сентябр куни Тошкентда бўлиб ўтади. Бундан аввал эса корейслар 31 август куни ўз майдонида Эронни қабул қилади — шу куни Ўзбекистон Хитой меҳмони бўлади.Шин Те Ёнг, Жанубий Корея миллий терма жамоаси бош мураббийи
Жанубий Корея терма жамоасининг Эрон ва Ўзбекистонга қарши таркиби
Дарвозабонлар — Ким Жин Хюн («Серезо Осака», Япония), Ким Сеунг Гю («Виссел Кобе», Япония), Чо Хюн Ву («Тегу»).Ҳимоячилар — Ким Ки Хи («Шанхай Шенхуа», Хитой), Ким Жу Юнг («Хебей Чайна», Хитой), Ким Юнг Квон («Гуанчжоу Эвергранд», Хитой), Ким Мин Же («Чонбук Motors»), Ким Мин Ву («Сувон Samsung»), Ким Жин Су («Чонбук Motors»), Ко Ян Хан («Сеул»), Чои Чул Сун («Чонбук Motors»).
Ярим ҳимоячилар — Ки Сон Ён («Суонси», Англия), Сон Хён Мин («Тоттенҳэм», Англия), Ли Кун Хо («Гангвон»), Ку Жа Чол («Аугсбург», Германия), Ём Ки Хун («Сувон Samsung»), Нам Таэ Хе («Ал-Дуҳайл», Қатар), Жанг Хюн Су («Токио», Япония), Ли Же Сунг («Чонбук Motors»), Жунг Ву Ёнг («Чонкин Lifan», Хитой), Ким Бо Кюнг («Кашива Рейсол», Япония), Квонг Кюнг Вон («Тианжин Куанжиан», Хитой), Квонг Чанг Хун («Дижон», Франция).
Ҳужумчилар — Ли Донг Гук («Чонбук Motors»), Ким Шин Вук («Чонбук Motors»), Хванг Хи Чан («Red Bull Залсбург», Австрия).
Гуруҳда иккинчи бўлиб турган Жанубий Корея ҳисобида 13, Ўзбекистон миллий терма жамоасида эса 12 очко бор. Тўртинчи ўриндаги Сурия ҳисобида 9 очко бўлиб, бу жамоа ҳам ЖЧ—2018 йўлланмалари учун курашни давом эттирмоқда. Гуруҳда дастлабки икки ўринни эгаллаган жамоалар тўғридан-тўғри йўлланмани қўлга киритади, 3-ўрин соҳиби эса плей-офф баҳсларида қатнашади.
