UzReport TV ва Futbol TV Европадаги янги футбол мавсумида ҳам Чемпионлар Лигаси, Европа Лигаси, Англия Премьер-лигаси ва Испания Ла Лигаси учрашувларини намойиш этади. Бу ҳақда UzReport хабар берди.
Хабар беришларича, телеканаллар 11 августдан Англия Премьер-лигаси учрашувларини намойиш этишга киришади. 15 ва 16 август кунлари эса Европа Чемпионлар лигаси сўнгги саралаш раунди плей-офф учрашувларини намойиш этади.
18 августдан эътиборан эса Испания Ла Лигаси учрашувлари трансляцияси бошланади. Телеканал «Реал Мадрид» ва «Барселона» иштирокидаги иккита Эль-Класикони ҳам тўғридан-тўғри эфирда намойиш этишни режалаштирган.
24 август куни Европа Чемпионлар Лигаси гуруҳ босқичига, 25 августда эса Европа Лигаси гуруҳ босқичига қуръа ташлаш маросими бўлиб ўтади. UzReport TV ва Futbol TV ҳар иккала маросимни жонли эфирда кўрсатади. 12 сентябрдан ЕЧЛ, 14 сентябрдан эса Европа Лигаси гуруҳ босқичи учрашувлари намойишига киришилади.
Изоҳ (0)