UzReport телеканали Конор МакГрегор ва Флойд Мейвезер ўртасида бўлиб ўтадиган йил жангини жонли эфирда намойиш қилади. Бу ҳақда телеканалнинг Facebook’даги саҳифаси маълумот берди.
26 август куни бўлиб ўтадиган жанг трансляциясининг лицензион ҳуқуқи UzReport томонидан қўлга киритилди, деб ёзилган хабарда. Ўзбекистонлик бокс мухлислари уни Тошкент вақти билан 27 август тонгида — 8:30 дан бошлаб томоша қилиши мумкин.
Жанг 12 раундга мўлжалланган ва бокс қоидалари асосида бўлиб ўтади.
UzReport бунгача йил жанги деб юритилган Владимир Кличко ҳамда Энтони Жошуа ўртасидаги тўқнашувни ҳам жонли кўрсатганди.
Изоҳ (0)