Одатий буюмлардан бошқа мақсадларда фойдаланишнинг гениал усуллари (фото)
Атрофимизда улардан фойдаланишга одатланганимиздан кенгроқ мақсадларда фойдаланишимиз мумкин бўлган юзлаб буюмлар мавжуд.
AdMe одатий буюмларни кутилмаган мақсадларда қўллашнинг бир нечта усулини эътиборингизга ҳавола этади.
Душ учун қалпоқча велосипед ўриндиғини ёмғирдан ҳимоя қилади
Бу вазият барчага таниш: велосипедни кўчада қолдириб кетдингиз, кутилмаганда ёғган ёмғир туфайли ўриндиқ ҳўл бўлиб қолади. Бирор жойга йўл олганингизда душ учун қалпоқчани ўзингиз билан олсангиз, унинг ёрдамида ўриндиқни ёмғирдан ҳимоя қилишингиз мумкин.
Тарвузни сақлашга кўмак беради
Тарвузни тўлиғича бир кунда еб тугата олмаймиз ва уни совуткичда сақлашга мажбур бўламиз. Унинг кесилган томонини ёпиб қўйиш учун душ қалпоқчасидан қулайроқ нарса ўйлаб чиқилмагандек гўё.
Кириш йўлагини ифлосланишдан асрайди
Болалар коляскаси ёки велосипеди ғилдирагига душ қалпоқчасини кийгизиб қўйиш орқали уй тозалаш жараёнини ортиқча юмушдан халос этишингиз мумкин.
Оёқ кийим учун ўрам
Оёқ кийимни душ қалпоқчасига жойлаб қўйсангиз, у сафар давомида ёки шунчаки шкафда ён-атрофни ифлослантирмайди. Улар одатий пакетлардан қулайроқ.
Мицеллярли сув эски кедиларга оқ рангни қайтаради
Ифлосланиш туфайли рангини ўзгартирган кеди таг қисми, шунингдек, унинг ўзини ҳам мицеллярли сув ёрдамида осонгина тозалаш мумкин.
Косметика қолдирган доғни кетказишга ёрдам беради
Лаб бўёғи, туш ёки тонал крем излари бўлган кийимни ювишдан аввал уни мицеллярли сув билан ҳўлланган пахта диски билан артиб олинг. Бу усул ёрдамида косметика доғи осонроқ кетади.
Идиш ювиш губкасидан совуткич сумка учун музлатувчи элемент ҳосил қилиш мумкин
Бу пикниклар учун жуда қулай усул. Бир кун олдин кечқурун бир нечта нам губкани алоҳида пекатларга солинг ва уларни яхши бекитинг. Пакетларни музлаткичга жойланг. Тонгда уларга совуқ ҳолда сақлашни истаган таомингизни жойлашингиз мумкин.
Педикюр жараёнини осонлаштиради
Оёқ тирноқларини бўяш жараёнида улар бир-бирга тегиб, бўёқ чапланиб кетиши мумкин. Бармоқларни бир-биридан ажратиб туриш учун губка бўлакларидан фойдаланиш мумкин.
Супертежамкор совун қутиси ясаш
Совун қутисини губкадан чуқурча ўйиш ёрдамида ясаш мумкин. Совунни шунчаки губка устига ҳам қўйиш мумкин, бу усул орқали ундан тежамкорроқ фойдаланиш мумкин.
Канселярия резинка тасмалари зич қопқоқларни очишга ёрдам беради
Резинани қопқоққа ўраб қўйсангиз, лак идиши ёки бошқа ҳар қандай банкани ҳам очиш анча енгиллашади.
Китобни сумкада асраш
Дафтар ёки китобларнинг юмшоқ муқоваси бурчаклари улар сумкада олиб юрилганда кўринишини йўқотади. Бунинг олдини олиш учун резинадан суратда кўрсатилгандек фойдаланинг.
Телефондан автомобиль навигаторини ясаш
Агар машинангизда навигатор бўлмаса, бироқ телефонингизда бўлса — энди қандай йўл тутишни биласиз.
Шимга сиғиш учун
Бу ноодатий усул ҳомиладор аёллар ёки шими сиғмай қолган бошқа кишиларга ҳам қўл келади.
Кийим-кечак учун кондиционер ёрдамида эски гулқоғозни осонгина кўчириш мумкин
Гулқоғозни девордан осон кўчириш учун кондиционер бир қалпоқчасини бир литр сувга аралаштиринг. Аралашмани губка ёки латта ёрдамида деворга суринг. Уни 20 дақиқага қолдириб, кейин деворни тозалаб олинг.
Гиламни жундан тозалаш
Гиламга сув билан 1:1 нисбатда аралаштирилган кондиционердан пуркалса, уни ҳайвон жуни ва соч толаларидан тозалаш осонлашади.
