Дублиндаги масжидлардан бирининг қаровчиси пичоқ билан қуролланган талончини зарарсизлантириб, уни тухум билан меҳмон қилди. Бу ҳақда Ирландиянинг The Independent нашри хабар бермоқда.
Али Ёсин 28 ёшли Стивен Бойл стол остида бекиниб ётганини кўриб, ундан кетишни талаб қилди. Бунга жавобан Бойл Ёсинга пичоқ билан ташланди, уни яралади ва қочишга уринди. Қаровчи унга етиб олиб, оёғидан чалди ва, йиқитгач, тинчланишга чақирди. Шундан сўнг мусулмон тухм қовуриб, ҳужум қилган одамга берди ва унинг ҳикоясини эшитди.
Нонуштадан сўнг Бойл кетди, бунда икки мобил телефонни ўзи билан олиб кетди. Эртасига Ёсин шаҳар марказига телефон рақамларини блоклаш учун йўл олди ва у ерда яна тасодифан Бойлни учратиб қолди. Ўғри узр сўраб, ўғирланган техникани қайтариб берди.
Бойл судда айбини тан олди. Бойл телефонларни меҳмондорчиликдан олдинроқ олганини, суҳбатдан сўнг уларни қайтариб беришни унутганини айтди.
Изоҳ (0)