Хитой шимоли-шарқидаги тошқинлар оқибатида 18 киши ҳалок бўлди

Хитой шимоли-шарқидаги Цзилинь провинциясида ёмғирлар туфайли юзага келган тошқинлар 18 кишининг умрига зомин бўлди. Яна 18 киши бедарак йўқолган ҳисобланмоқда. Бу ҳақда «РБК» хабар берди.

Провинцияда сувнинг кенг кўламли кўтарилиши кузатилмоқда. Тошқинларга қарши курашда 32 минг киши иштирок этмоқда.

Ҳозиргача 15 та кўприк, 37 та коммуникация станцияси ва 23 та трансформатор тикланди.

«Синьхуа» агентлигига кўра, табиий офат туфайли 114 мингдан ортиқ киши эвакуация қилинди.