Британия расмийлари Grenfell Tower’да яшаган муҳожирларни депортация қилмайди
Буюк Британия ҳукумати Лондондаги ёниб битган Grenfell Tower кўп қаватли биносида истиқомат қилган ноқонуний муҳожирларга мамлакатда бир йил қолишга рухсат беради. Бу ҳақда Британия ташқи ишлар вазирининг иммиграция бўйича ўринбосари Брэндон Льюис маълум қилди, дея хабар беради «ТАСС».
«Grenfell Tower’даги ёнғинда жабрланганларнинг барчасига Буюк Британияда 12 ой мобайнида қолишга рухсат берилади. Улар тегишли ёрдам кўрсатиш ва қўллаб-қувватлаш бўйича барча хизматлардан фойдаланиши мумкин. Бу жабрдийдалар юзага келган оғир ҳолатдан чиқиб кетиши ва ўз ҳаётини қайтадан қуришига имкон беради», — таъкидлади Брэндон Льюис.
Эслатиб ўтамиз, Буюк Британия полицияси Лондондаги Grenfell Tower кўп қаватли биносида рўй берган ёнғин қурбонлари сони 80 кишини ташкил этганини билдирди.
