Творог кўпчилик одамларга ёқмайди, лекин уни жуда фойдали бўлгани учун ейди. Баъзи одамлар эса ўз қоматини яхши сақлаб туриш учун эрталаб ва иккинчи тушлик пайтида творог истеъмол қилади. Лекин творогли таомномани хилма-хил қилиш учун мазали тоблама ҳам пишириш мумкин. Ва бу оддий тоблама эмас, у — жуда нозик ва енгил пишириқ! Шу билан бирга унинг ичида ун ҳам, манний ёрмаси ҳам йўқ. Рецептни ёзиб олинг!
Керак бўладиган масаллиқлар:
- 500 г творог
- 4 дона тухум
- 7 ош қошиқ шакар
- 2 ош қошиқ қаймоқ (20%)
- 2 ош қошиқ крахмал
- ванилин
- агар хоҳласангиз, майиз қўшишингиз мумкин
Тайёрланиши:
- Тухумнинг сариғини оқидан ажратамиз. Бир идишда творог, шакар, тухум сариғи, крахмал, қаймоқ ва ванилинларни қўшиб кўпиртирамиз.
- Тухумнинг оқларини алоҳида кўпиртирамиз.
- Творогли аралашмани кўпиртирилган тухум оқи билан аралаштирамиз.
- Энди асосий аралашма ичига таъбга кўра майиз қўшинг.
- Тунука това ичига пергамент қоғоз тўшаймиз, уни сариёғ билан мойлаймиз. Унинг устига творогли массани жойлаштирамиз.
- Товани 180-200 даража қиздирилган духовка ичига 30-40 дақиқага қўямиз.
Изоҳ (0)