21 июнь куни қирол Салмон ўғилларидан бири Муҳаммад ибн Салмонни Саудия Арабистони меросхўр шаҳзодаси этиб тайинлади. Ҳукмрон сулола Ал Саудларнинг (саудийлар) энг кўзга кўринган ва нуфузли вакиллари билан «Коммерсантъ» фотогалереясида танишишингиз мумкин.
Салмон бин Абдулазиз Ал Сауд (1935 йилнинг 31 декабрида туғилган) — сулола етакчиси. Акаси қирол Адбуллоҳнинг ўлимидан сўнг 2015 йилнинг 23 январида қироллик тахтини эгаллаган. Мамлакатнинг биринчи қироли Абдулазиз ибн Сауднинг (1932—1953) 45 нафар ўғлидан бири. Тахтни эгаллагунга қадар мамлакатнинг мудофаа вазири (2011 йилдан бошлаб) ва Ар-Риёд губернатори лавозимларини эгаллаган.
Муҳаммад бин Салмон (1985 йилнинг 31 августида туғилган) — 2017 йилнинг 21 июнидан Саудия Арабистонининг валиаҳд шаҳзодаси. Қирол Салмоннинг ўғли. 2015 йилнинг 23 январидан мамлакатнинг мудофаа вазири ва бош вазирнинг биринчи ўринбосари. Қироллик суди раҳбари.
Ал-Валид бин Талял Ал Сауд (1955 йилнинг 7 мартида туғилган) — қирол Салмоннинг жияни, Талял ибн Абдулазиз Ал Сауднинг ўғли. Тадбиркор ва халқаро инвестор, Қироллик холдинг компанияси раҳбари. 2017 йилнинг 31 майида унинг бойлиги 17,1 миллиард долларга баҳоланган. Time журнали унга «Араб Уоррен Баффети» лақабини берган.
Бандар бин Султон Ал Сауд (1949 йилнинг 2 мартида туғилган) — Саудия Арабистони шаҳзодаси, қирол Салмоннинг жияни. 1983—2005 йилларда Саудия Арабистонининг АҚШдаги элчиси. 2005—2015 йилларда Миллий хавфсизлик кенгашининг бош котиби, кейинчалик бу лавозим бекор қилинган.
Султон бин Салмон ибн Адбулазиз Ал Сауд (1956 йилнинг 27 июнида дунёга келган) — 2000 йилдан буён Туризм ва миллий мерос бўйича комиссияга етакчилик қилиб келмоқда. Қирол Салмоннинг ҳозирда ҳаёт ўғилларидан каттаси. 1985 йилда араб дунёсининг космосда бўлган биринчи вакили бўлди.
Мукрин ибн Абдулазиз Ал Сауд (1945 йилнинг 15 сентябрида туғилган) — қирол Салмоннинг кичик укаси. Қирол Абдуллоҳнинг ўлимидан сўнг 2015 йилнинг 23 январида валиаҳд шаҳзодага айланди. Ўша йилнинг 29 апрелида қирол Салмон тахт мероси тартибини ўзгартиргандан сўнг мазкур мақомидан айрилди. 2005—2012 йилларда Умумий разведка хизматига раҳбарлик қилган. 1980—2005 йилларда дастлаб Хаил вилояти, кейинроқ Мадина вилоятининг губернатори бўлган.
Фейсал бин Бандар Ал Сауд (1943 йилда дунёга келган) — 2015 йилнинг 29 январидан Ар-Риёд вилояти губернатори. Қирол Салмоннинг жияни. 1992—2015 йилларда Ал-Қосим вилоятини бошқарган.
Муҳаммад бин Наиф бин Абдалазиз Ал Сауд (1959 йилнинг 30 августида туғилган) — Саудия Арабистонинг собиқ меросхўр шаҳзодаси (2015 йилнинг 29 апрелидан 2017 йилнинг 21 июнига қадар). Қирол Салмоннинг жияни, Наиф бин Абдал-Азизнинг (2012 йилда вафот этган валиаҳд шаҳзода) ўғли. 2012 йилнинг 5 ноябридан 2017 йилнинг 21 июнига қадар мамлакат ички ишлар вазири лавозимини эгаллаган.
Мутаиб бин Абдуллоҳ бин Абдалазиз Ал Сауд (1952 йилнинг 26 мартида туғилган) — 2013 йилдан бошлаб Саудия Арабистони Миллий гвардияси вазири. 2010—2013 йилларда Миллий гвардия қўмондони. Қирол Салмоннинг жияни, собиқ қирол Абдуллоҳнинг ўғли.
Изоҳ (0)