Лондонда кучли ёнғин юз берди: аланга 27 қаватли Grenfell Tower турар-жойини қамраб олди. Бу ҳақда «Вести.ru» маълум қилди.
Кўпчилик чойшаблардан уланган арқон ёрдамида жон сақлади, ҳатто деразадан пастга сакраганлар ҳам бўлди. Эвакуация чўзилиб кетди, уйда яшовчиларнинг бир қисми бинода қамалиб қолди.
Гувоҳлар ижтимоий тармоқларда жойлаштирган фотоларда улкан уй машъала каби ёнаётганини кўриш мумкин.
Ҳодисада жами 15 киши жабрланди, уларга тиббий ёрдам кўрсатилмоқда. Эвакуация чоғида 13 ёшли ўсмир қиз йўқолган.
Аланга билан 200 га яқин ўт ўчирувчи курашмоқда. Тахминларга кўра, ёнғин хонадонлардан бирида музлатгич портлагани сабабли келиб чиққан.
Изоҳ (0)