Зимбабведа автобуснинг ағдарилиб кетиши оқибатида 45 киши ҳалок бўлди

Зимбабведа автобус ағдарилиб кетиши оқибатида 45 киши ҳалок бўлди. Бу ҳақда, AP’га асосланиб, «ТАСС» хабар бермоқда.

Воқеа Хараредан 156 километр шимолроқда рўй берди. Автобус Замбияга кетаётган эди. Дастлабки маълумотларга қараганда, ҳайдовчи бошқарувни қўлдан чиқарган, бунинг оқибатида машина йўлдан чиқиб кетган.

Зимбабвеликлар ҳар куни автобусда Замбияга бориб, у ерда озиқ-овқат маҳсулотлари ва кийим-кечак билан савдо қилади.