Қатар аҳолиси саросимага тушиб, оммавий тарзда дўконлардан маҳсулотларни сотиб олишни бошлади (фото)

Қатар фуқаролари бир қатор араб мамлакатлари билан дипломатик алоқалар узилгач, озиқ-овқатлар танқислиги келиб чиқишидан хавфсираб, оммавий тарзда маҳаллий дўконлардан маҳсулотлар сотиб олишни бошлади, деб ёзади «Газета.ru».

«Супермаркетлардан сут, гуруч, тухумни машина-машина қилиб олиб кетишмоқда», — деб хабар қилмоқда маҳаллий ОАВлар. Қатар озиқ-овқатларнинг 90 фоиздан ортиғини импорт қилиб олади, шунинг аҳамиятли қисми Саудия Арабистони билан чегара орқали етказиб берилади, у эса ёпилган. Эрон мамлакатга Ормуз бўғози орқали озиқ-овқат етказишни кўпайтиришга ваъда берди.