Россия ва АҚШ ўртасидаги кенг кўламли қуролли можарога ҳеч ким бардош бера олмайди. Бу ҳақда Россия президенти Владимир Путин америкалик кинорежиссёр Оливер Стоунга интервьюсида маълум қилди, деб ёзади «РБК».
Стоун Путиндан Россия етакчисининг фикрича икки мамлакат ўртасидаги қуролли тўқнашувда АҚШ ғалаба қозониши эҳтимоли бор-йўқлиги ҳақида сўради.
«Бунга ҳеч ким бардош бера олмаса керак, деб ўйлайман», — деди Путин.
Россия президенти, шунингдек, Стоуннинг АҚШ раҳбари лавозимига Дональд Трампнинг сайланиши Москва ва Вашингтон ўртасидаги алоқаларни яхшиланишига умид бериш-бермаслиги ҳақидаги саволига жавоб берди.
«Умид ҳар доим бўлади. Бизни оқ шиппакларда қабристонга элтишгунга қадар», — деди Путин.
2014 йилнинг ноябрида Оливер Стоун Владимир Путин ҳақида кўп серияли фильм олиш истаги ҳақида маълум қилган эди. Фильминг биринчи серияси 12 июнда намойиш этилади. У тўрт қисмдан иборат бўлади. Стоун намойиш этган фильм парчаларида Путин ўз қўриқлаш тизими, Эдвард Сноуденга муносабати ва 2000 йилда Америка президенти Билл Клинтонга Россиянинг НАТОга аъзо бўлишини таклиф қилганлигини ҳикоя қилади.
Изоҳ (0)