Теҳронда метро поездларининг тўқнашуви оқибатида 48 киши жароҳатланди

Теҳрон метрополитенининг икки поезди тўқнашиб кетиши оқибатида 48 киши жабрланди. Бу ҳақда «РИА Новости» хабар бермоқда.

Метрополитен матбуот хизмати вакили Эҳсон Муқаддамнинг хабар беришича, туннеллдан чиққан поезд Тарашт бекатида турган бошқа поездга урилиб кетган.

Воқеа маҳаллий вақт билан соат 18:15 да рўй берган.

Жабрланганлар шаҳардаги учта шифохонага етказилган.