Qatar Airways бир неча мамлакатга рейсларни тўхтатди

Қатар авиакомпанияси Qatar Airways Саудия Арабистони, БАА, Баҳрайн ва Мисрга авиарейсларни тўхтатиб туриш ҳақида қарор қабул қилди. Бу ҳақда компания сайтидаги баёнотда маълум қилинди, деб ёзади «РИА Новости».

БАА, Баҳрайн ва Мисрга рейслар 6 июнь куни тўхтатилиши таъкидланмоқда.

«Санаб ўтилган рейсларга рўйхатдан ўтган барча харидорларга муқобил вариантлар, жумладан, фойдаланилмаган чипта учун пулларни тўлиқ қайтариб олиш ёки Qatar Airways тармоғининг яқин йўналишларига текин қайта рўйхатдан ўтиш имкониятлари тақдим этилади», — дейилади баёнотда.

Аввалроқ Qatar Airways 5 июнь, 23:59 га қадар Саудия Арабистонига барча рейсларни тўхтатиб қўйиши ҳақида маълум қилинган эди.

5 июнь куни Саудия Арабистони, Миср, Баҳрайн ва БАА Доҳа халқаро террорчилик ташкилотларига ёрдам кўрсатаётганлигини маълум қилиб, у билан дипломатик алоқаларни тўхтатди.