4 июнь, якшанба куни кечқурун Россия президенти Владимир Путиннинг интервьюси намойиш этилган Мегин Келлининг NBC телеканалидаги кўрсатувини 6 миллиондан ортиқ америкалик томоша қилди, деб ёзади «РИА Новости» Adweek рейтинг порталига таяниб.
Путин Келлига Россия-Америка алоқалари ҳамда Россияга нисбатан «АҚШдаги сайловларга аралашиш» айбловлари мавзусида интервью берди.
Кўрсатувни жами 6,1 миллион киши томоша қилди, рейтинг 25—54 ёш категориясида 1,2 фоизни ташкил этди. Бу спорт кўрсатувларини ҳисобга олмаганда, NBC’нинг мартдан буён кузатилган энг юқори рейтинги бўлди.