22 май куни Манчестердаги концертида теракт содир этилган америкалик қўшиқчи Ариана Гранде 4 июнь, якшанба куни шу шаҳарда яна саҳнага чиқиб, жабрланган томошабинларга ёрдам кўрсатиш мақсадида ташкил қилинган хайрия тадбирида иштирок этди, деб ёзади «ТАСС».
Машҳур Emirates Old Trafford стадионидаги One Love Manchester номли шоуга 50 минг томошабин ташриф буюрди.
Бир кун аввал Манчестер касалхоналарига борган 23 ёшли қўшиқчи оммага юзланиб, унинг худкуш террорчи ҳужумидан жабрланган мухлисларига кўмак бериш ғоясини қўллаб-қувватлашгани учун миннатдорлик билдирди. Баъзи қўшиқларини у концертга келган бошқа хонандалар — Майли Сайрус, Black Eyed Peas гуруҳи, Робби Уильямс, Кэти Перри, Жастин Бибер ва бошқалар билан жўрликда ижро этди.
Чипталари олти дақиқа ичида сотилиб кетган концерт полиция ва хавфсизлик кучларининг қаттиқ назорати остида бўлиб ўтди. Ушбу шоудан тушган маблағ шаҳар кенгаши ва Қизил Хочнинг Британия бўлинмаси томонидан яратилган We Love Manchester фондига ўтказилади.
Изоҳ (0)