Бугун,

  • USD 11095.31
  • RUB 173.84
  • EUR 10772.44

Американинг Нью-Жерси штатида жойлашган Бернардс шаҳри ҳукумати АҚШ адлия вазирлигининг шаҳарда масжид қуришдан бош тортиш билан боғлиқ даъвосини ҳал қилиш учун 3,25 миллион доллар тўлашга рози бўлди, деб ёзади «ТАСС».

Фото: «Islam-today.ru»

Фото: «Islam-today.ru»

Нью-Жерси прокуратураси баёнотига кўра, 2011 йилда шаҳардаги ер майдонини маҳаллий мусулмонлар ташкилоти сотиб олган. У Бернардсда масжид қурмоқчи бўлган. Бундан хабар топган шаҳар маъмурияти бир қатор сабаблар, шу жумладан, масжидга машинада келган ташрифчилар автотураргоҳда жой етишмовчилигини келтириб чиқаришини рўкач қилиб, рухсат бера олмаслигини айтган.

Қурилиш ҳақида сўров берилганидан кейин кўп ўтмай, Бернардсда диний муассасалар қурилишига алоқадор қоидаларнинг баъзилари қатъийлаштирилди. Шу муносабат билан мусулмон жамияти ҳукумат атайлаб ислом динига эътиқод қилувчилар манфаатларини чеклаб қўймоқда деб ҳисоблаб, судга мурожаат қилди. АҚШ адлия вазирлиги даъвони қўллаб-қувватлади.

Эришилган келишувга кўра, шаҳар маъмурияти масжид қурилишига рухсат беради, шунингдек, аввалроқ киритилган қоидаларнинг баъзиларини бекор қилади. Улар тўлашга рози бўлган 3,25 миллион долларнинг 1,5 миллион доллари мусулмон жамиятига берилади, 1,75 миллион доллар эса иккала томон адвокатлари хизматлари учун тўланади.

Изоҳ
Асосий янгиликлар
Дунё
Генерал Пётр Павел Чехиянинг янги президенти этиб сайланди
Дунё
Америкадаги рус мафияси бошлиғига айланиб, Россияда ўлим топган “қонундаги ўғри” — “Япончик”. Кун хронологиясида 29 январь
Маҳаллий
“Ўтган йил давомида ички ишлар ходимлари билан боғлиқ 644 та салбий видео тарқалган” — Шоҳрух Ғиёсов