Бугун — 20 май куни Германия Бундеслигасининг сўнгги тур беллашувлари бўлиб ўтди. Муддатидан аввал мамлакат чемпионлигини қўлга киритган Мюнхеннинг «Бавария» клуби ўз майдонида «Фрайбург»ни қабул қилиб, 4:1 ҳисобида зафар қучди.
Мазкур беллашув икки афсонавий футболчи — Филипп Лам ҳамда Хаби Алонсо учун сўнгги расмий ўйин сифатида тарихда қолди. Улар қаторида дарвозабон Том Штарке ҳам футболчилик карьерасига якун ясади.
Филипп Лам
Лам ҳақида достон ёзса бўлади, деб таъриф берди «Championat.asia» нашри. Афсонавий ҳимоячи фаолияти давомида жами 668 ўйин ўтказди ва рақиблар дарвозасини 19 марта ишғол қилди.У «Бавария»нинг афсонавий футболчилари Франц Беккенбауэр, Герд Мюллер, Зепп Майер, Карл-Хайнц Румменигге, Ули Хёнесс, Лотар Маттеус, Жованни Элбер, Мехмет Шолл ва Оливер Кан қаторида тилга олинади.
Филипп Лам фаолияти давомида бирор марта ҳам қизил карточка олмаган ҳимоячи ҳисобланади. У майдонда юксак маданият билан ўйнайдиган саноқли ҳимоячилардан бири эди.
Эришган ютуқлари
Жаҳон чемпиони — 2014УЕФА Чемпионлар лигаси ғолиби — 2013УЕФА Суперкубоги соҳиби — 2013Клублар ўртасида Жаҳон чемпиони — 2013Германия чемпиони — (8). 2006, 2008, 2010, 2013, 2014, 2015, 2016, 2017Германия кубоги соҳиби — (6). 2006, 2008, 2010, 2013, 2014, 2016Германия Суперкубоги соҳиби — 2010, 2012Германия лига кубоги эгаси — 2007
Хаби Алонсо
Хаби Алонсо деганда «Ливерпуль» ҳамда «Реал»даги ёрқин футболи билан танилган ажойиб маэстро хаёлга келади. «Ливерпуль» сафида «Милан»га қарши кечган фантастик финалда ғалаба қозонган ва Чемпионлар лигаси соҳибига айланган Алонсо, кейинчалик бу ишни «Реал» билан ҳам уддалаганди.Испания терма жамоаси билан икки карра Европа ҳамда бир марта жаҳон чемпионлигига эришган Алонсо фаолиятини «Бавария»да якунлади. Унга «Бавария» билан еврокубокларда ғолиб чиқиш насиб қилмади. Шунга қарамай, Алонсо «Бавария»даги фаолияти давомида уч карра Бундеслига ғолиблигига эришди ва бир мартадан Германия кубоги ҳамда Суперкубоги соҳибига айланди.
Алонсо фаолияти давомида 688 та ўйинда майдонга тушган ва рақиблар дарвозасини 44 бор нишонга олган. У «Реал Сосьедад» (1999—2004), «Эйбар» (2000—2001), «Ливерпуль» (2004—2009), «Реал» (2009—2014), «Бавария» (2014—2017) каби клублар шарафини ҳимоя қилди.
Эришган ютуқлари
Жаҳон чемпиони — 2010Европа чемпиони — 2008, 2012УЕФА Чемпионлар лигаси ғолиби — 2005, 2014УЕФА Суперкубоги соҳиби — 2005, 2014Англия кубоги соҳиби — 2006Англия Суперкубоги эгаси — 2006Испания чемпиони — 2012Испания кубоги эгаси — 2011, 2014Испания Суперкубоги эгаси — 2012Германия чемпиони — 2015, 2016Германия кубоги соҳиби — 2016Германия Суперкубоги эгаси — 2016
Том Штарке
Профессионал фаолиятини «Байер»да бошлаган Том Штарке кейинроқ «Гамбург», «Падерборн», «Дуйсбург», «Хоффенхайм» ҳамда «Бавария» жамоаларида ўйнади. 2012 йил Германиянинг энг совриндор жамоасига ўтган кипер фаолиятининг сўнгги беш йилида бир қатор совринларни қўлга киритишга муваффақ бўлди.Эришган ютуқлари
УЕФА Чемпионлар лигаси ғолиби — 2013УЕФА Суперкубоги эгаси — 2013Клублар ўртасида жаҳон чемпиони — 2013Германия чемпиони — 2013, 2014, 2015, 2016, 2017Германия кубоги соҳиби — 2013, 2014, 2016Том Штарке беш йил мобайнида «Бавария»да Ноерга захира посбони сифатида фаолият кўрсатди ва ўз музейини 9 та соврин билан тўлдиришга муваффақ бўлди.
Изоҳ (0)