Қуролли гуруҳлар жангариларини Дамашқ шимоли-шарқидаги Барзе кварталидан эвакуация қилишнинг учинчи босқичи 20 май куни бошланди. Келишув шартларига биноан, шаҳар четидаги кварталларни қуролларини топширишдан бош тортган жангарилар тарк этмоқда, деб хабар беради «ТАСС».
Жангарилар оила аъзолари билан биргаликда автобусларда Туркия билан чегарадаги Идлиб вилоятига кўчирилади. Вилоят айни пайтда «Жабҳат ан-Нусра» экстремистик ташкилоти томонидан назорат қилинмоқда.
8 ва 12 май кунлари келишув реализациясининг биринчи ва иккинчи босқичларида Барзе ва унга яқин Тишрин кварталларидан 568 ва 718 жангари олиб чиқилган эди.