Хитой ва Ҳиндистон электромобилларга ўтиш ҳамда муқобил энергия манбалари фойдасига бензиндан воз кечиш борасидаги режаларини ошкор қилгани туфайли Халқаро энергетика агентлиги жаҳон бозорида нефтга бўлган талаб прогнозларини қайта кўриб чиқишга қарор қилди. Бу ҳақда, Reuters’га асосланиб, «РБК» хабар бермоқда.
Жорий прогнозларга кўра, транспортларнинг ёқилғи билан таъминланиши ҳисобига нефтга талаб 2040 йилга қадар ўсиб боради. Аммо жаҳоннинг икки тез ўсаётган нефть бозори — Хитой ва Ҳиндистон бензиндан воз кечиш учун радикал чораларга қўл урганидан сўнг бу прогнозлар қайта кўриб чиқилиши лозим, деб маълум қилди агентлик экспертлари.
Янгиланган прогнозлар 2017 йил 14 ноябрь куни эълон қилинади.
Изоҳ (0)