Telegram мессенжери Windows, маcОS ва Linux учун қўнғироқларнинг альфа-версиясини ишга туширди

Мессенжер учун ишга тушган ушбу дастлабки версияда фойдаланувчилар қўнғироқ қилиш, шунингдек, махфий созламалардан фойдаланиш имкониятида эга бўладилар. Telegram Desktop орқали қўнғироқ қилинганида мобил версиядаги каби эмодзи ёрдамида шифрлашни текшириш имконияти мавжуд, деб хабар берди TJournal.

Мессенжерни ишлаб чиққанлар дастурнинг альфа-версияси беқарор ишлаши мумкинлиги ҳақида огоҳлантирди. Дастурнинг қўнғироқларни амалга ошириш мумкин бўлган барқарор версияси қачон ишга тушиши санаси айтилмади.

Аввалроқ, Telegram асосчиси Павел Дуров дастурнинг ушбу вазифаси 2017 йилнинг апрелида ишга тушиши кераклигини айтган, бироқ кейинроқ бу май ойига кўчирилган эди.

2017 йил 30 март куни Telegram мобил дастур учун расмий овозли қўнғироқни ишга туширди. Бунга қадар қўнғироқларни алфа-версияда синаш имкони бор эди.