Тошкент шаҳар ҳокимлиги Шароф Рашидов шоҳ кўчасининг Навоий ва Абдулла Қодирий кўчалари оралиғидаги — Мустақиллик майдонидан Марказ-4 ва Марказ-5 даҳаларига олиб чиқадиган узилиб қолган бўлаги очилиши ҳақидаги маълумотни тасдиқламади. Бу ҳақда UZ24 хабар бермоқда.
Аввалроқ бир қатор нашрларда ушбу ҳудуднинг очилишига тайёргарлик кўрилаётгани хабар қилинган эди. Хабар беришларича, кўчанинг ўрнидаги пайдо бўлган боғдаги дарахтларни кўчириш ишлари бошланган.
Шаҳар ҳокимлигидан маълум қилинишича, Амир Темур шоҳ кўчаси ва шаҳарнинг марказий кўчаларида транспортлар ҳаракатини енгиллаштириш мақсадида Рашидов кўчасининг ушбу қисмини очиш масаласи кўтарилган, бироқ ҳозирча бу борада ҳеч қандай расмий ҳужжат қабул қилинган эмас.
UZ24’нинг қайд этишича, шаҳар ҳокимлиги боғдаги дарахтларнинг кесилиши ва кўчирилиши билан боғлиқ ҳолатга бирор изоҳ бермаган.
Изоҳ (0)