Анқара суди Wikipedia ресурсига кириш имкониятини очиш борасида киритилган апелляция даъвосини рад этди. Бу ҳақда, Yeni Safak нашрига асосланиб, «Коммерсант.ru» хабар бермоқда.
Илгарироқ Wikipedia онлайн энциклопедиясига эгалик қилувчи Wikimedia нотижорат компанияси сайтнинг Туркия ҳудудида блокланишини бас қилишни талаб қилиб чиққан эди.
Эслатиб ўтамиз, 29 апрель куни Туркиянинг телекоммуникацион регулятори Wikipedia’ни блоклаш тўғрисида қарор қабул қилди. Anadolu агентлигига кўра, Wikipedia Туркия қиёфасини халқаро саҳнада қора кўрсатишга қаратилган кампаниянинг бир қисмига айланди. Хусусан, Анқаранинг «террорчилик ташкилотлари билан алоқалари» ҳақидаги матнларни, қайта-қайта огоҳлантирилишига қарамай, чиқариб ташлашдан бош тортган.