Нобель мукофоти лауреати Вангари Маатаи «Биз дарахт экаётганимизда тинчлик ва умид уруғларини қадаймиз» деган эди. Ҳақиқатан ҳам табиат мувозанатини фақат янги ўсимлик экиш орқали тиклаш мумкин. Улар келажакда бизга кислород, соя ва салқинлик бағишлайди.
Экологик вазиятни яхшилаш учун бутун дунё бўйлаб улкан ишлар амалга оширилмоқда. Мамлакатимиз ҳам бундан четда қолгани йўқ. 9 апрель куни Murad Buildings юзлаб кишиларни битта мақсад остида бирлаштирган «Менинг яшил Ўзбекистоним» акциясини ишга туширди.
Акция моҳияти жуда оддий: дарахт экасиз, унинг суратини Facebook’даги саҳифангизга жойлайсиз, изоҳларда бўлишасиз — шу билан сиз акция иштирокчисига айланасиз ва еттита Samsung Galaxy A5 смартфонидан бирини қўлга киритиш имконига эга бўласиз.
Лойиҳа кўпчиликнинг эътиборини ўзига қаратди: акция ҳақидаги видео Facebook’да 50 минг мартадан ортиқ томоша қилинган. Асосийси одамлар акцияни нафақат виртуал олам, балки ҳақиқий ҳаётда ҳам қўллаб-қувватлади.
Бор-йўғи етти кун ичида ўн мингдан ортиқ кўчат экилди, улардан 1 500 таси Murad Buildings томонидан текин тарқатилган. Акция иштирокчиларининг аксарияти дарахтларни биринчи йил экмаётгани, акция улар учун қўшимча рағбатга айланганлигини тан олишди.
Бир неча минглаб иштирокчидан фақат 243 нафари тармоққа суратини жойлади. Бу акция иштирокчилари учун мукофот олиш эмас, хайрли ишни амалга ошириш муҳим бўлганлигини кўрсатади. Улар орасидан тасодифий рақамлар генератори ёрдамида етти нафар иштирокчи танланди. Уларга ваъда қилинган Samsung Galaxy A5 смартфонлари тақдим этилди.
«Шундай мақол бор: ҳар бир эркак киши ўз ҳаёти давомида дарахт экиши, уй қуриши ва ўғил вояга етказиши лозим. Мен турли акцияларда тез-тез иштирок этиб тураман, лекин бирор марта ҳам ютуқ ютиб олмаганман. Энди орзулар ҳақиқатан ҳам амалга ошишига ишондим», — дейди акцияда телефон ютиб олган Мурод С.
«Шунчаки, кўчат харид қилдим, уни уй олдига экиб қўйдим, ҳеч нарсага умид қилмагандим. Кутилмаганда видеода телефон ютиб олганлигимни кўриб қолдим. Мамлакатимизни кўкаламзорлаштира олишимиз ва бунга қўшимча равишда бунинг учун мукофот олишимиз мумкинлиги жуда ажойиб», — дейди танловнинг яна бир иштирокчиси Антон Ш.
«Facebook’даги постни тасодифан кўриб қолдим. Нафақат совға олиш, балки шаҳримизни кўкаламзорлаштиришда иштирок этиш менга қизиқарли кўринди. Бу хайрли иш деб ўйлайман», — дейди Елена М.
Акция ташкилотчиларининг сўзларига қараганда, улар мамлакат аҳолисининг ушбу тадбирда фаол иштирокидан ҳайратга тушган ва бу каби экологик акцияларни мунтазам ўтказишни режалаштирмоқда. Умумий уйимиз кун сайин яшил бўлиб бориши учун бу каби акцияларни имкон борича тез-тез ўтказиб туриш кераклигига ишончимиз комил.
Реклама ҳуқуқи асосида!