Қозоғистоннинг Сингапур ва Янги Зеландиядаги элчиси Усен Сулаймон Янги Зеландия генерал-губернатори Пэтси Реддига ишонч ёрлиқларини топширди. Бу ҳақда «Интерфакс» хабар берди.
Расмий тақдимотда Янги Зеландиянинг маори қабиласи маданий гуруҳи иштирокида анъанавий маросим бўлиб ўтди. Бунда Қозоғистон элчиси хонги анъанавий саломлашиши ва хака маросим рақси орқали кутиб олинди.
Хака — маори қабиласининг маросим рақси бўлиб, унда ижрочи оёқлари билан ер тепиниб, ўзининг сон ва кўкракларини уриб, жўрликда бақириб ўйинга тушади.
Хонги — анъанавий саломлашиш усули, тўғридан-тўғри «ҳаёт нафаси билан алмашиш» дея таржима қилинади. Бунда маорилик бурнини суҳбатдошининг бурнига теккизади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)