Кеча — 19 апрель куни Европа Чемпионлар лигасининг ярим финалига йўлланма олган барча клублар номи аниқ бўлди: «Реал Мадрид», «Атлетико», «Ювентус» ва «Монако».
Финал остонасидаги ўйинлар 2—3 май кунлари бўлиб ўтади. Жавоб беллашувлари 9—10 май саналарига тайин қилинган.
УЕФА ярим финал жуфтликлари масаласига эртага — 21 апрель куни ойдинлик киритиб беради. Қуръа Тошкент вақти билан 15:00 да бошланади. Шу куни ташкилот Европа лигасининг ярим финал жуфтликларини ҳам аниқлаб олади.
Қуръа кўр-кўрона ташланади ва унда исталган клуб исталган бошқа бири билан рақиб бўлиши мумкин.
Маълумот учун, Чемпионлар лигасининг ўтган йилги финали Мадрид дербисига айланиб кетганди. «Атлетико» ва «Реал» бу сафар ҳам ярим финалга қадар етиб келди. Ҳали ҳеч бир клубга мазкур мусобақада кетма-кет икки бор зафар қучиш насиб қилмаган.
Изоҳ (0)