АПЛ. «Эвертон» турнир жадвалида «Юнайтед» ва «Арсенал»дан олдинга ўтиб олди
Футбол бўйича Англия Премьер-лигасининг 33-туридан жой олган етти учрашув 15 апрель — шанба куни бўлиб ўтди.
Рональд Куман мураббийлик қилаётган «Эвертон» ўз майдонида зафар қучиб, турнир жадвалида «Юнайтед» ва «Арсенал»дан олдинроққа ўтиб олди. Бугун «Юнайтед» марказий ўйинда «Челси»ни қабул қилса, «Арсенал» «Мидлсбро» майдонига сафар этади.
Мазкур турда чемпионлик учун кураш олиб бораётган «Тоттенҳэм» навбатдаги йирик ғалабасига эга чиқди. Айни вақтда «шпорлар» «Ливерпуль» билан биргаликда АПЛда энг кўп гол урган жамоа бўлиб турибди — 68 та гол. Энг кам гол ўтказиш бўйича «Тоттенҳэм»нинг ўзи яққол пешқадам.