Ўзбекистон Олий лигасининг 6-туридан жой олган икки ўйин 14 апрель куни бўлиб ўтганди. Бугун — шанба оқшомида яна 5 та учрашувга якун ясалди.
Раҳбарият ўзгарганлиги тахмин қилинаётган Тошкентнинг «Пахтакор» клуби мавсумдаги учинчи мағлубиятини қабул қилиб олди. Қашқадарёдаги сўнгги ташрифида «Машъал»дан 0:3 ҳисобида енгилган «пахтакорчилар», бу сафар «Шўртан»га худди шу ҳисобда имкониятни бой берди.
Маълумот учун, «Шўртан» икки тур аввал бош мураббий Александр Волковни ишдан бўшатган ва яна икки нафар футболчини ҳайдаб юборганди. Шундан сўнг Ғузор клуби аввалига «Локомотив»ни 2:0, кейин эса «Пахтакор»ни 3:0 ҳисобида таслим қилди.
Мазкур турнинг марказий ўйини Тошкент шаҳрида ўтиб, унда ҳам пойтахт ва воҳа клублари ўзаро рақиб бўлди. Мамлакатнинг амалдаги чемпиони «Локомотив» ўзи каби 9 очкога эга бўлиб турган «Насаф» устидан 2:1 ҳисобида зафар қучди. Бунга қадар томонларнинг пойтахтда ўтказилган 12 та ўйинида теппа-тенг натижа қайд этиб турилганди.
Мавсумни кетма-кет уч ғалаба билан бошлаган лига дебютанти «Динамо» сўнгги икки турда мағлуб бўлганди. Ўзбекистон Президентининг Самарқандга ташрифи чоғида эса клуб мавсумдаги тўртинчи ғалабасини нишонлашга муваффақ бўлди.
Ўзбекистон Олий лигаси 6-тур ўйинлари 15 апрель, шанба
«Металлург» — «Навбаҳор» 0:0
«Шўртан» — «Пахтакор» 3:0
Голлар: Игорь Таран, 34 (1:0). Ғулом Раҳмонов, 71 (2:0). Игорь Таран, 81 (3:0).«Динамо» — «Бухоро» 3:1
Голлар: Ориф Мамажонов, 22 (1:0). Жавоҳир Қаҳрамонов, 57 (2:0). Баҳриддин Ваҳобов, 64 (2:1). Амиржон Сафаров, 90 (3:1).«Қизилқум» — «Сўғдиёна» 1:1
Голлар: Санжар Рашидов, 27 (0:1). Илҳом Юнусов, 52-пен (1:1).«Локомотив» — «Насаф» 2:1
Голлар: Марат Бикмаев, 32 (1:0). Марат Бикмаев, 51 (2:0). Шароф Муҳитдинов, 90 (2:1).
Изоҳ (0)