Астраханда полициячилар ўлдирилишида гумон қилинган 4 киши йўқ қилинди. Бу ҳақда «Росгвардия» вилоят бошқармаси вакили маълум қилди, дея хабар беради «РИА Новости».
«Гумонланувчилардан бири ‘Росгвардия’ постига ҳужум чоғи ўлдирилди, иккинчиси олинган жароҳатлар туфайли ҳалок бўлди. Яна икки киши қуршаб олинди ва йўқ қилинди. Жангчиларимиз орасида йўқотишлар йўқ», — дея таъкидлади «Росгвардия» вакили.
Кейинчалик вилоят губернатори Александр Жилкин яна икки киши қўлга олингани билдирилди.
«Росгвардия» постига 6 апрель, пайшанбага ўтар кечаси ҳужум уюштирилди: жангчилар автомобилдан ўққа тутилган. Жароҳат олган 3 нафар жангчи Балашихадаги ҳарбий касалхонага етказилди, яраси оғир бўлган полициячи Астраханда операция қилинди.
Постга ҳужум қилган шахслар Астраханда 4 апрель куни полициячилар ўлдирилишига алоқадор эканлиги маълум бўлди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)