Нидерландия разведка хизмати Россияни сайлов натижаларига таъсир қилишга уринишда айблади

Нидерландия разведкасининг йиллик ҳисоботига кўра, Россия март ойида Нидерландияда бўлиб ўтган сайлов натижасига ёлғон хабарлар тарқатиб таъсир қилишга уринган. Бу ҳақда Politico нашрига таяниб, «Газета.ru» хабар берди.

Нидерландия разведка хизмати бошлиғи Роб Бертоль «Москва сайлов жараёнларига сезиларли даражада таъсир қила олмади», дея маълум қилди.

«Менимча улар воқеликка боғлиқ бўлмаган хабарлар тарқатиб сайловчиларни нотўғри йўлга бошламоқчи бўлган», — дейди Бертоль.

Ҳисоботда Россия томонидан Нидерландия ҳамда Европага бўлган таҳдид ўтган йилгига нисбатан сезиларли даражада юқори эканлиги, Россия ўзининг сиёсий доирасини ўрнатиш учун «совуқ уруш» усулларни қўллашдан қўрқмаётганлиги келтирилган.

Эслатиб ўтамиз, 21 март куни Нидерландияда сайлов қўмитаси парламент сайлови натижаларини расман маълум қилган эди. Унда бош вазир Марк Рютте бошчилигидаги «Озодлик ва демократия халқ партияси» ғолиб чиққан.

«Дарё»нинг Telegram’даги расмий канали — @toshqindaryo’га аъзо бўлинг!