Ўзбекистон Республикаси Президентининг «2017—2019 йилларда Бухоро шаҳри ва Бухоро вилояти сайёҳлик имкониятларини жадаллик билан ривожлантириш чора-тадбирлари тўғрисида»ги қарори асосида Бухорода ҳудуди 10 гектардан кам бўлмаган «Боқий Бухоро» номли эркин туристик зона яратилади. Бу ҳақда Norma ахборот-ҳуқуқ портали хабар бермоқда.
Хорижий сайёҳларга тўлиқ дам олиш имкониятини яратиш мақсадида ЭТЗ ҳудудида турли даражада хизмат кўрсатиш қулайликларига эга меҳмонхоналар, кўнгилочар ва савдо муассасалари, хусусан, 500 кишилик амфитеатр, боулинг-клублар, рақс майдонлари ва караоке, миллий таомлар ва дунёнинг машҳур ошхоналарини тақдим этувчи бар, кафе, ресторанлар, сувенирлар ва бошқа маҳсулотлар дўконлари қурилиши кўзда тутилмоқда.
Бухоро шаҳрининг тарихий қисмида («Шаҳристон» бозори ҳудудида) икки қаватли уйлардан иборат ҳунармандлар даҳаси ва ёпиқ бозор яратилади. Шунингдек, ушбу даҳада анъанавий устахоналар, миллий сувенирлар, зардўзлик маҳсулотлари, китоблар, мева ва сабзавотлар, ширинлик ва сайёҳларни жалб этувчи бошқа маҳсулотлар сотилувчи дўконлар очилади.
Лойиҳаларни амалга ошириш ишлари 2017 йил 1 июлдан бошланиб, 2018 йил мартига қадар илк объектларни ишга туширилиши режалаштирилмоқда. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)