Фазлиддин Ғоибназаров 2017 йил профессионал боксда 4 та жанг ўтказишга рози бўлди. Биринчи жангга 35 кун қолди

Рио—2016 Олимпиадаси чемпиони Фазлиддин Ғоибназаров фаолиятини профессионал боксда давом эттириши аниқ бўлиб, у машҳур промоутер Боб Арумга тегишли Top Rank компанияси билан шартнома имзолаганди.

«Оламспорт» нашрининг аниқлик киритишича, шартнома бандларида Фазлиддин Ғоибназаровнинг 2017 йил ҳисобидан 4 та жанг ўтказиши қайд этилган. Шулардан биринчиси 22 апрель куни бўлиб ўтади.

Бунда ўзбекистонлик боксчига ким рақиб бўлиши ва жанг ўтадиган шаҳар номи яқин кунлар ичида маълум қилинади.

Маълумот учун, машҳур боксчи Менни Пакьяо ҳам Боб Арум компанияси билан ҳамкорлик қилганди.