Осиё Чемпионлар лигасининг 3-турида Ўзбекистоннинг икки клуби Эрон жамоаларига қарши кураш олиб борди. «Бунёдкор» ўз майдонида «Зоб Оҳан»дан, «Локомотив» эса «Истиқлол»дан Теҳронда 0:2 ҳисобида енгилди.
ОФК расмий сайти статистикасига кўра, ҳар икки беллашувда ҳам Ўзбекистон клублари 90 дақиқа давомида рақиблар дарвозасига аниқ зарба бера олмаган.
«Локомотив» Теҳрондаги ўйинда тўпни 57 фоизлик кўрсаткич билан назорат қилган. Дарвозага «Истиқлол» футболчилари 14 та зарба берган бўлиб, шуларнинг 4 таси аниқ бўлган. «Локомотив»да эса зарбалар сони 9 та, бироқ уларнинг бирортаси ҳам аниқ эмас.
Сергей Лушчан бошчилик қилаётган «Бунёдкор» эса Тошкентда тўп сурганига қарамай, рақибига ҳар жабҳада енгилган. Тўпни назорат қилишда ҳам, дарвозага зарбаларда ҳам устунлик форс клуби томонида — 10:10. Фарқи, Эрон клубининг 6 та зарбаси аниқ бўлган, «Бунёдкор»да эса бу кўрсаткич 0 га тенг.
Маълумот учун, ЖЧ—2018 саралаш босқичида Самвел Бабаян бошчилик қиладиган Ўзбекистон миллий терма жамоаси Тошкентда Эрондан енгилган бўлиб, ўшанда ҳам ўзбекистонлик футболчилар рақиб дарвозасига бирорта ҳам аниқ зарба бера олмаганди.
Изоҳ (0)