Нигерияда қароқчилар томонидан гаровга олинган россиялик ва украиналик денгизчилар озод қилинди

Нигерияда BBC Caribbean юк кемасига ҳужум қилиб, россиялик ва украиналик 8 нафар денгизчини гаровга олган қароқчилар уларнинг барчасини озод қилди. Бу ҳақда Севастополнинг (денгизчиларнинг уч нафари шу шаҳардан) инсон ҳуқуқлари бўйича вакили Павел Буцай маълум қилди, дея хабар беради «ТАСС».

Денгизчиларимиз Франкфуртда, барчаси соғ-омон. Музокаралар муваффақиятли ўтди, қўлга олинган денгизчилар — 7 нафар россиялик ва бир украиналик озод қилинди. Германиянинг Briese компанияси Россия элчихонаси билан биргаликда мураккаб музокараларни олиб борди ва гаровдагилар тезда озод қилиниши учун зарур чоралар кўрди. Улар яқинда уйларига қайтади, яқинларига бу ҳақда маълум қилинган.

Павел Буцай, инсон ҳуқуқлари бўйича вакил

Вакилга кўра, музокаралар давомида қароқчилар билан гаров пули ҳақида келишиб олинган, бироқ унинг суммаси ошкор этилмади.