АҚШнинг Лос-Анжелес шаҳрида бўлиб турган ўзбекистонлик боксчи Фазлиддин Ғоибназаров яна бир промоутерлик компаниясидан таклиф қабул қилиб олди. Бу ҳақда боксчининг мураббийи Аброр Турсунпўлатовга таяниб «Оламспорт» хабар берди.
Аввалроқ машҳур промоетур Боб Арум ўзбекистонлик чарм қўлқоп устаси билан ишлаш таклифини берганди. Эндиликда Ғоибназаров билан Оскар Де Ла Хойя асос солган Golden boy промоутерлик компанияси ҳамкорлик қилиш ниятида.Профессионал шартнома имзолаб улгурмадик. Шошаётганимиз йўқ. Таклифларни ўрганиб чиқмоқдамиз. Баъзи боксчиларга ўхшаб, ёлғонга аралашиб қолмаслик учун ҳам шошилмаяпмиз.Лос-Анжелесда Александр Ломаченко, Сергей Ковалёвлар билан битта залда машғулот ўтказмоқдамиз. Қаттиқ ишлаяпмиз. Чунки орада катта танаффус бўлди. Аввал ўзимиз жанг учун тайёр бўлиб олишимиз лозим. Чемпионлик жангига тезроқ ҳаракат қилмоқчимиз. Бунинг учун промуотерлик компанияси билан шартномамиз бўлиши керак.