«Реал Мадрид»
Мадриднинг «Реал» клуби 82 кундан буён сафар учрашувларида зафар қуча олмаётганди. Зидан бошқараётган жамоа сўнгги бор ўтган йилнинг 22 ноябрь куни сафарда Португалиянинг «Спортинг» клубини мағлуб этишга муваффақ бўлганди.
Европа Чемпионлар лигаси доирасида бўлиб ўтган ўша учрашувдан кейин «Реал» учун сафар беллашувлари омад келтирмади. Клублар ўртасидаги Жаҳон чемпионати нейтрал майдонда ўтгани учун ундаги ғалабалар статистикада инобатга олинмаган.
Кеча — 11 февраль куни «Реал» Ла лигада сўнгги ўринни эгаллаб турган «Осасуна» майдонига ташриф буюрди ва 3:1 ҳисобида зафар қучди. Шу билан 82 кун давом этган совуқ анъана якунига етди.Неймар
Каталониянинг «Барселона» клуби ҳужумчиси 11 февраль куни ўз ҳисобига 1 та гол ёзиб қўйди ва жамоасининг мавсумдаги энг йирик ғалабасига ҳисса қўшди.
Ла лиганинг жорий мавсумида бразилиялик ҳужумчи 6 та гол урган бўлиб, 10 та голли узатмани амалга оширганди.
Статистикага кўра, Неймарнинг «Барселона» учун урган голлари сони 95 тага етган ва у бу борада афсонавий Роналдинёдан ўзиб кетган. Рони каталонияликлар сафида 207 та учрашув ўтказган бўлиб, рақиблар дарвозасига 94 та гол уришнинг уддасидан чиқа олганди.
Бу борада рекорд Лионель Мессига тегишли. Аргентиналик ҳужумчининг «Барса»даги голлари 485 тани ташкил қилади.
Алейш Видаль
«Барселона» ҳимоячиси Алейш Видаль «Алавес»га қарши ўйинда тўпиғидан жароҳат олганди. Шифокорлар унинг 5 ойга сафдан чиққани ҳақида эълон қилди.
«Алавес»га қарши ўйинда Жерар Пике ҳамда Хавьер Маскерано жароҳати сабаб ўйнай олмаган бўлса, Самуел Юмтити иккинчи бўлимни оқсоқланиб тарк этганди.
Маълумот учун, кетма-кет 4 та ҳимоячисида жароҳат бор «Барселона» 14 февраль куни Чемпионлар лигаси доирасида «ПСЖ»га қарши майдонга тушади.
Изоҳ (0)