Дубай ҳукумати томонидан таъсис этилган дунёнинг энг яхши вазири мукофотига бу йил безгак ва Эбола вируси тарқалишига қарши курашган Сенегал соғлиқни сақлаш ва ижтимоий ишлар вазири Ава Мари Колл-Сек муносиб деб топилди. Бу ҳақда «РИА Новости» хабар бермоқда.
Мукофот топшириш маросими 12 февраль куни Дубайда ўз ишини бошлаган Бутунжаҳон ҳукуматлар саммити доирасида ўтказилди.
Жаҳоннинг энг яхши вазири номига, БААдан ташқари, қатор мамлакатлардан жами 20 дан зиёд номзод кўрсатилган эди. Финал босқичига саккиз вазир етиб келди.
Иккинчи бор топширилаётган мазкур мукофот давлат бошқарувидаги шахсларнинг одамлар ҳаётини яхшилашга ёрдам берган алоҳида ишларини муносиб рағбатлантириш учун таъсис этилган.
Дубай ҳукумати Сенегалда Эбола вирусидан халос бўлингани ва 2015 йил кузида Ғарбий Африкадаги мазкур мамлакатда касаллик устидан тўла ғалабага эришилгани эълон қилинганини қайд этиб, бунда Сенегал вазирининг хизматлари катта эканини эътироф этди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)