ЖЧ–2018 саралаш босқичи иккинчи даврасига тайёргарлик кўриш мақсадида Туркиянинг Анталия шаҳрида навбатдаги ўқув-машғулот йиғинини ўтказаётган Ўзбекистон миллий терма жамоаси бугун, 10 февраль куни Россия Премьер-лигаси вакили – «Амкар» клубига қарши ўртоқлик ўйинида майдонга тушди.
ЎФФ матбуот хизматининг Twitter’даги саҳифасида маълум қилинишича, учрашувнинг 20-дақиқасида Ўзбекистон термаси ҳужумчиси Игорь Сергеев рақиб дарвозасига гол киритди. Айнан унинг голи учрашувда ягоналигича қолди ва Самвел Бабаян жамоаси ғалаба қозонди.
Қайд этиш жоиз, учрашувга сардор сифатида чиққан Ўзбекистон термаси посбони Александр Лобанов пенатли қайтаришга эришди.
Маълумот учун, Ўзбекистон терма жамоаси мазкур йиғин доирасида эртага, 11 февраль куни Арманистоннинг «Алашкерт» клубига қарши баҳс юритади.
Эслатиб ўтамиз, терма жамоанинг 2017 йил ҳисобидан биринчи ўқув-машғулотлар йиғини 21–24 январь кунлари БААда ташкил этилганди. Унда Ўзбекистон аввал Дания U-23 термасига 1:2 ҳисобида мағлуб бўлганди, кейин эса Грузия термаси билан 1:1 ҳисобида дуранг ўйнаган эди.
Мавзуга доир: Грузияни мағлуб эта олмаган Ўзбекистон миллий терма жамоаси ФИФА рейтингида пастга шўнғиди
Ўзбекистон МTJ – «Амкар» 1:0
Гол: Игорь СергеевЎзбекистон терма жамоаси (бошланғич таркиб): Александр Лобанов, Рустам Ашурматов, Ислом Тўхтахўжаев, Станислав Андреев, Саламат Қуттибоев, Азим Аҳмедов, Даврон Ҳошимов, Жамшид Искандеров, Элдор Шомуродов, Марат Бикмаев, Игорь Сергеев.
«Амкар»: Хомич (Будаков, 70), Конде, Занев, Зайсев, Гиголаев (Идову, 60), Милкович, Огуде (Ёвичич, 46), Комолов (Анене, 65), Гол, Костюков, Бодул (Салугин, 60).
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)