Индонезия уламолар кенгаши сохта (фейк) хабарлар тайёрлаш ва уларни тарқатишни гуноҳга тенглаштирувчи фатвони 15 февралга қадар чиқаришни режалаштирмоқда. Уламолар ушбу фатво билан бундай амалиётни «исломга зид» деб топади, деб ёзади «Коммерсант.ru».
Бунга ижтимоий тармоқлардаги сохта хабарларнинг тўхтовсиз оқими сабаб бўлди. Бу хабарлар мамлакатда яшовчи хитойлик ва насронийларга қарши қаратилган.
Улар орасида, масалан, Хитой Индонезияга қарши биологик уруш бошлаганлиги, Индонезиянинг янги банкноталарида ўроқ ва болға тасвири тушурилиши ва сўнгги вақтларда Индонезияга 10 миллион хитойлик келгани ҳақидаги янгиликлар бор.
«Биз бу фатвони имкон борича тезроқ чиқариш ниятидамиз, чунки юзага келган вазият ташвиш уйғотмоқда. Ҳеч бўлмаганда, мусулмонлар бу каби фирибгарликларда бошқа иштирок этмаслигига умид қиламан», — дейди Индонезия уламолар кенгаши раҳбари Маъруф Амин.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)